Ginpahayag sang Philippine Coast Guard – Bredco Port nga nagnubo ang numero sang pasahero nga nagbyahe kahapon Huwebes Santo kun ikumpara sang Miyerkules Santo.
Sa interview sang Bombo Radyo kay Coast Guard Ensign El John Ga, substation commander sang PCG-Bredco Port, as of 6:00 pm kahapon, 5,172 ang inbound passenger samtang may 1,136 naman ka outbound passenger.
Ini mas manubo kun ikumpara sa 6,888 ka inbound passenger kag 6,418 ka outbound passenger nga narekord sang Miyerkules.
Nagkansela naman sang byahe ang Montenegro shipping lines alas- 6:00 sang gab-i kag nagresume alas- 12:00 sang kaagahon apang wala man sang problema bangod padayon ang pagbyahe sang Tristar lines.
Suno kay Ga, lauman naman sa Sabado kag Dominggo nga madamo pa gid sang magabyahe bangod mabalik na ang trabaho kag klase.
Pahanumdom sini nga magbalon sang madamo nga tubig, likawan ang pagdala sang mahalalon nga gamit, patalom ukon makahulobog nga ilimnon agud mahapos ang pagbyahe.
