-- ADVERTISEMENT --
Lauman ang liwat nga pagsaka sang presyo sang produktong petrolyo sa madason nga semana suno sa Department of Energy (DOE).
Santo sa apat ka adlaw nga trading sa Means of Platts Singapore, ginabanta nga magasaka sa P0.95 ang kada litro sang Gasolina, P0.10 sa Diesel, kag P0.25 sa Kerosene.
Suno kay DOE-Oil Industry Management Bureau (OIMB) assistant director Rodela Romero, ang ginalauman nga price hike ang ginlantaw bangud sa geopolitical tension sa Iran.
Suno diri, may yara man sang report nga nagahambal nga ang Estados Unidos ang mahimo magaharang sang mga vessels ukon tankers nga nagadala sang krudo sang Iran, ini ang ginalantaw magadugang man sang kabalak-an sa supply.
