Ginsuguran na sang Land Transportation Office ang online nga renewal sang registration sang mga salakyan ukon motor vehicles.
Suno kay Renato Novero, pinuno sang LTO Bacolod, ang tag-iya sang salakyan ang dapat nga may account sa Land Transportation Management System portal antes ini makaparehistro online.
Dapat man nga naglabay sa LTMS ang tinalikdan nga renewal sang registration gani dapat iverify sa LTO office kun naglabay sa daan ukon new registration ang daan nga renewal.
Ikatatlo, kinahanglan nga ginpatigayon sa Private Motor Vehicle Inspection Center ang inspection sang salakyan.
Suno kay Novero, ang mga dokyumento para sa renewal ang dapat nga kumpleto agud nga maupload sa system kadungan sang renewal.
Apang aminado si Novero nga may gamay nga danger ang online renewal bangud kun matabuan nga offline ang system kag nagbayad online sang registration, indi ini magreflect sa system sang LTO.
Nahibaluan nga natabo sa ini sa online driver’s license renewal kun sa diin wala nagreflect sa system sang LTO ang online payment bangud natabuan nga offline ang system kag nadelete ang payment sa sulod sang tatlo ka adlaw.
Personal nga nagapati si Novero nga 98 porsyento nga reliable ang online renewal sang registration magluwas lamang sa pila ka glitches apang ginalauman nga mahitso ini sang LTO.
