Nagdangat na sa P100,000 ang gintanyag nga padya sa makatudlo sa may kahimuan sang paglampos sang bato sa tatlo ka kabataan sa Hacienda Badiang, Brgy E. Lopez, Silay City, kun sa diin isa ang napatay kag duha ang nagapabilin sa ospital.
Magahatag sang padya nga P50,000 pesos si Negros Occidental Third District Representative Javi Benitez sa makahatag sang impormasyon sa naghimo sang krimen sa Bornales siblings.
Ini santo sa facebook post sang kongresista kahapon.
Ginkondenar sang mamalidha ang natabo sa mga biktima nga mag-utod.
Ang nasambit nga krimen ang nagresulta sa kamatayon sang siyam ka tuig nga babayi samtang pilason ang duha pa sini ka mga utod nga 14-anyos nga babayi kag ang apat ka tuig nga lalaki.
Gin-alegar ginsulod sang wala pa makilala nga mga persona ang puluy-an sang mga biktima kag gin-alegar ginpanglampusan sang bato.
Samtang ginkumpirmar man ni Silay City Mayor Joedith Gallego nga magahatag ini sang P25,000 nga reward money sa makahatag sang impormasyon.
Suno kay Gallego, nagapadayon ang imbestigasyon sang mga kapulisan sa nagluntad nga insidente.
Ang 14 anyos kag apat ka tuig ang yara sa karun sa Corazon Locsin Montelibano Memorial Regional Hospital (CLMMRH).
Suno sa alkalde, mahatag sang bulig ang ciudad sa pamilya kutob sa ila masarangan.
Nakita man sini sang siya ang nagpadulong sa balay nga may yara sang forceable entry.
Suno kay Gallego, ang mga kapulisan ang may yara na sang persons of interest sa naghimo sang krimen.
Sa karun nagapadayon ang imbestigasyon sang mga otoridad agud nga mahatagan sang hustisya ang natabo sa mga biktima.
Nagtanyag man sang dugang nga P25,000 nga padya si former Silay City vice mayor Manuel Siote.
