Ginpahayag sang Deputy Secretary General for Visayas sang Partido Demokratiko Pilipino (PDP) nga ginarespeto sini ang pag-resign sang pila ka mga miyembro sang PDP- Negros Occidental.
Una na nga ginpahayag ni Bacolod City Mayor Albee Benitez nga malapit 60 ka mga miyembro sang PDP Negros Occidental ang nagresign sang Sabado bangud indi man nila mabatyagan ang pagkamiyembro sang mga ini.
Suno kay Atty Jayvee Hinlo, wala nagaka-concern ang PDP sa paghalin sang pila ka mga miyembro sa partido bangod nga sila ang nagsulod na lamang sa PDP sang nagpungko na sadto si Former President Rodrigo Duterte bilang presidente sang Pilipinas kag indi samtang sa kampanya pa lamang.
Suno diri, ang mga nag-resign ang indi kabahin sang orihinal kag core group sang partido kag padayon sa gihapon nga hugot ang pagsuporta sang mga supporters ni Duterte sa PDP.
Apang, tubtob sa karun wala pa sang may nabaton nga dokumento ang PDP sa opisyal nga pag-resign sang mga miyembro sang PDP- Negros Occidental.
