Sa 1 out of 10 ratings kun sa diin 10 ang pinakamataas, 6 ang ginhatag nga ratings ni House Minority Leader kag Alliance of Concerned Teachers Partylist Representative France Castro sa State of the Nation Address (SONA) ni President Ferdinand ‘Bongbong’ Marcos Jr.
Sa interview sang Bombo Radyo Bacolod sa kongresista, aminado ini nga madamo sang positibo nga gintalakay ang presidente kaangay lamang sa pagpasaka sang sweldo sang mga government employees, dugang nga promotion opportunities para sa mga manunudlo, pagban sang Philippine Offshore Gaming Operators (POGOs) nga padayun nila nga bantayan, kag ang statement sini para sa West Philippine Sea apisar nga wala sang kongkreto nga tikang.
Panindugan ni Castro nga sila ang padayun nga magapanawagan sa paghatag solusyon sa inequality kag kapigaduhon.
Ginapanawagan man sang mga ini nga agud maseguro ang food security, dapat dulaon ang importasyon.
Ginakwestyon sang mga ini kun ngaa ginpanubuan pa ang taripa sa imported nga mga bugas.
Suno kay Castro, apisar may mga positibo nga plano kag mga programa, ini ang wala gid sang dako nga epekto sa kadam-an nga mga Pilipino.
