Lauman nga may yara sang pagnubo sa presyo sang produktong petrolyo sa masunod nga semana.
Santo sa trade monitoring sa Mean of Platts Singapore, suno kay DOE Oil Industry Management Bureau Assistant Director Rodela Romero, lauman nga maganubo sa presyo nga P0.50 ang kada litro sang Gasolina, P0.15 sa kada litro sang Diesel kag P0.20 sa kada litro sang Kerosene.
Suno diri, magamay lamang ang pagnubo sang presyo bangod wala pa diri nalakip ang operating cost.
Suno pa diri, ang nagapadayon nga tensyon sa tunga sang mga pungsod kalakip na ang United States, Russia, Ukraine kag Middle East nagatulod sa presyo nga magsaka.
Samtang, bangod sa oversupply sa global market kag increase sa US inventory, may tsansa nga naganubo ang pressyo.
Samtang, sa natapos lang nga tuig 2025, ang net increase sang Gasolina yara sa P20.50 per liter, Diesel sa P20.85 per liter kag Kerosene sa P5.55 per liter.
Samtang, ang LPG nakarecord sang net decrease nga P7.20.
