-- ADVERTISEMENT --
Nangin madinalag-on ang ginpatigayon nga State of the City Address ukon SOCA ni Bacolod City Mayor Alfredo “Albee” Benitez sang Miyerkules, Hulyo 3.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 4, wala sang narecord nga bisan ano nga insidente sang ginpatigayon ang SOCA sang alkalde.
Suno kay Depasucat, ang security plan ang ginplastar sang Bacolod City Police Office kag sila sa Bacolod Police Station 4 ang nagpatuman sini kaupod man ang iban pa nga units sang mga kapulisan kag force multipliers kag nangin manageable man ang tanan bangud sa kooperasyon sang tanan sa mga kapulisan.
