(c) Drrm LA Castellana
Hugot nga gina-dumilian sang Provincial Environment and Natural Resources (PENRO) – Negros Occidental kag Provincial Disaster Management Program Division (PDMPD) ang pagsaka sa Mount Kanlaon subong nga balaan nga semana.
Sa interview sang Bombo Radyo Bacolod kay Dr. Zephard Gerhart Caelian, head sang PDMPD, yara pa sa alert level 1 ang bulkan rason nga gina-dumilian ang tanan nga mga mountain climbers nga magsaka diri.
Naka-blue alert status naman sa karun ang bug-os nga probinsya sang Negros Occidental para sa pagbantay sang mga lugar nga masami gina-dugokan sang katawhan sa tion sang holy week.
May yara sang mga naka-deploy nga personnel sa mga simbahan, kag iban pa nga lugar agud masiguro man ang kahilwayan sang tanan.
Nag-panugyan man ini sa tanan nga mga magalagaw nga magbalon gid sang tubig agud indi ma-dehydrate.
Nag-pahanumdum man ini sa iban nga mga climbers nga maglista gid sang pangalan sa entry points kag magkuha sang contact numbers sang mga rescuers agud mahapos sila makilal-an kag ma-trace kun may emerhensiya nga matabo.
Nag-pangabay man si Caelian nga mangin responsable sa ila mga basura bangud isa ini sa nagahatag sang pagbaha sa isa ka lugar.
