BACOLOD CITY — Suportado ni anay Philippine Olympic Committee ukon POC Chairman Monico Puentevella ang desisyon sang gobyerno sang Pilipinas nga magwithdraw sa hosting sang Southeast Asian Games sa tuig 2019.
Ini ang pahayag ni Puentevella sa exclusive interview sang Bombo Radyo Bacolod kasunod sang pag-isol sang pungsod sa paghost sang SEA Games bangud sa sitwasyon sa Mindanao kag pamahog sang terorismo.
Suno kay Puentevella, wala sang pungsod nga nagahost sang kaangay sini kadako nga hinampang nga wala sang suporta sang gobyerno.
Aminado ini nga mabudlay ang pagdesisyon nga kanselahon ang hosting sang SEA Games apang kumporme si Puentevella sa desisyon ni Presidente Rodrigo Duterte tuhoy diri.
Suno sa anay alkalde sang Bacolod, indi magdesisyon ang gobyerno kun wala ini naistoryahan sang maayo sang mga opisyal nga natungdan.
Madumduman nga sang tuig 2005, ginhost sang Pilipinas ang SEA Games kag pila ka hinampang ang ginpatigayon sa ciudad sang Bacolod.
Nakuha kuntani sang pungsod ang bid nga maghost sini sa tuig 2019 bangud nag-isol ang Laos.
