Natumod na sang mga kapulisan sang Silay City Police Station ang isa sa mga suspetsado sa nagkawat sang painting sang national artists nga si Fernando Amorsolo sa Hofilenia Museum sa Cinco De Noviembre Street, Silay City, Negros Occidental.
Sa interview sang Bombo Radyo Bacolod kay Police Lt. Col. Mark Anthony Darroca, Chief of Police sang Silay City Police Station, ang lalaki pa lang nga suspek ang natumod nila samtang ang babayi wala pa.
Suno kay Darroca ang lalaki ang natumod paagi sa positibo nga pag-identify sang witness.
Ginpahayag man sini nga may mga kaso man ang suspetsado sa ciudad sang Bacolod santo sa rouges’ gallery sang Philippine National Police.
Ginahulat nalang sang mga kapulisan sa ciudad sang Silay ang complainant agud nga mapasaka ang kaso nga ‘theft’ batok sa natumod nga suspek.
Samtang, ginkumpirmar naman ni Darroca nga narecover naman sang National Bureau of Investigation (NBI) ang nadula nga painting matapos nga maaresto ang mga suspetsado nga nagbaligya sini.
