Ginkoronahan bilang Miss World Philippines 2024 ang pambato sang Baguio City nga si Krishnah Marie Gravidez, sa corononation night kagab-i sa Mall of Asia Arena.
Ginkoronahan ni Reigning Miss World Krystyna Pyszková si Krishnah sang Rays of Hope crown nga gindisenyo sang Oro China Jewelry, samtang ginbutang naman ni Miss World Philippines 2023 Gwendolyne Fourniol ang sash sini.
Nakuha man ni Krishnah ang Best in Evening Gown, Best in Swimsuit, Miss Oro China, Miss Skin by Cathy Valencia, Miss Photogenic, Miss Hello Glow, Miss Procap, kag Miss Dr. Leo awards.
Siya man ang nagdaog sa Miss Multimedia kag Top Model fast-track competitions.
Ang Miss World Philippines 2024 coronation night ang gin-host nanday Billy Crawford kag Universal Woman 2024 Maria Gigante, kaupod sanday Teejay Marquez kag Reina Hispanoamericana Filipinas 2021 Emmanuelle Vera.
