Indi na luyag pa sang pamilya sang constuction worker nga ginluthang patay sa Purok Masagana, Barangay Taculing sang Hulyo 10, nga magpasaka sang kaso batok sa supetsado.
Madumduman nga ang biktima nga si Niño Baldevia, 37 anyos, ang nagatambay sa gwa sang ila balay kaupod ang apat ka iban pa sang hinali na lamang nag-abot ang riding in tandem suspect.
Sa interview sang Bombo Radyo Bacolod kay Police Captain Dax Santillan, station commander sang Bacolod Police Station 6, nagdesisyon ang pamilya ni Baldevia nga indi na lang magpasaka sang kaso bangod sa kahadlok nga basi sila ang mabalikan dugang pa nga may yara sang kabataan.
Dugang pa sang asawa, nga indi na sini luyag pa nga magpagamo.
Sa karun may person of interest na ang kapulisan sa suspetsado apang ila man ginarespeto ang desisyon sang pamilya.
Suno kay Santillan, indi man mausik ang ila nga imbestigasyon kag nakuha nga mga impormasyon bangod nga ini ang maggamit bilang basehan man inkaso nga liwat nga may magluntad nga shooting incident.
