Linibo nga mga protesters ang nagrally sa Tel Aviv sang weekend kag nagdemand sang kahilwayan sang mga hostages nga tubtob sa karun yara sa gihapon sa Gaza matapos ang walo ka bulan nga gyera sa tunga sang Israel kag Hamas.
Bitbit sang mga protesters ang mga litrato sang mga hostages kag mga slogans nga nagapanawagan sang ceasefire sa madasig nga tinion kag kahilwayan sang mga hostages nga yara pa sa luyo sang Hamas militants.
Nagpropose ang Estados Unidos sang bag-o nga lingwahe sa mga bahin sang proposed hostage kag ceasefire deal sa tunga sang Israel kag Hamas sa isa ka effort agud makalab-ot sang isa ka deal.
Ang mga tikang sang Arab mediators, nga suportado sang Estados Unidos, ang wala nangin madinalag-on bangud ang Israel kag Hamas ang nagabasulay lamang kag indi magkompromiso.
Suno sa Hamas, ang isa ka deal ang dapat magtapos sang gyera kag mapa-withdraw ang tropa sang Israel sa Gaza samtang suno naman sa Israel, magabaton ini sang temporaryo nga pag-untat sa gyera tubtob nga madula na ang Hamas sa Gaza.
