-- ADVERTISEMENT --
Dako ang pasalamat sang provincial agriculturist sang Negros Occidental bangud wala nahalitan sang Bagyo Ursula ang talamnan sang mga mangunguma sa probinsya.
Sa interview sang Bombo Radyo Bacolod kay Atty. Japhet Masculino, ginpabutyag sini ang pagpasalamat sa Mahal nga Makaako nga wala lubos nga nahalitan ang mga pananom bisan ginpaidalom sa tropical cyclone wind signal number 2 ang northern Negros Occidental.
Sa pihak nga bahin, ginpahayag man sini nga gamay pa lamang nga porsyon sang P5 million nga pondo sang probinsya para sa pagbakal sang humay nagikan sa mga mangunguma matapos ang pagsarurot sang presyo sang humay bangud sa Rice Tariffication Law.
Ang nabilin nga pondo suno kay Masculino ang gamiton sa masunod nga tuig.
