Napaidalum na sa booking procedure sa Camp Crame, Quezon City si Kingdom of Jesus Christ Pastor Apollo Quiboloy kag ang mga co-accused sini nga sanday Jackielyn Roy, Ingrid Canada, Cresente Canada, kag Sylvia Cemañes matapos ang ila pagsurrender kahapon.
Ang proseso ang ginlakipan sang pagkuha sang fingerprints, mug shots kag pagtsekyar sang blood pressure kun sa diin pila sa mga ini ang nagpakita sang medyo mataas nga blood pressure levels.
Suno kay PNP Spokesperson Col. Jean Fajardo, nag-abot ang mga ini sa Camp Crame kapin alas 5:30 sang hapon matapos nga nagbyahe humalin sa Davao City padulong sa Villamor Air Base sakay sa C-130 military plane kag nakalab-ot sa custodial facility kapin alas 9:10 sang gab-i.
Ang pagsungka ang ginsundan sang isa ka negotiation effort sang Philippine National Police (PNP) kag Armed Forces of the Philippines (AFP).
