Bacolod City— Bukas ang Philipine Army sa localized peace talks.
Ini ang ginpahayag ni Col. Alberto Desuyo, commander sang 303rd Infantry Brigade (IB) kadungan sang presentasyon kay Gov. Alfredo Marañon Jr. sang bag-o nga 79 ka mga rebel returnees kahapon.
Suno sa army commander, kun luyag sang makawala nga grupo sarang man ini nga mahambalan.
Apang madamo sang rason suno diri kun nga-a naka-on hold sa karun ang peace talks sa tunga sang gobyerno kag sang Communist Party of the Philipines -New People’s Army- National Democratic Front (CPP-NPA-NDF).
Suno pa kay Col. Desuyo, ang bug-os man nga katawhan ang ginabudlayan kun may yara sang gyera kag ginhatagan man sini pagtamod nga magakadto na kuntani sa iban nga programa sang gobyerno ang ginagasto sini sa armas kag iban nga logistics agud lamang lagson ang mga rebelde nga grupo.
