Nagpanawagan si Brig. Gen. Joey Escanillas, commander sang 302nd Infantry Brigade sang Philippine Army sa mga kabataan nga kun may yara man sang pagpamatok sa gobyerno, madamo pa sang mahimo nga pamaagi agud nga ipabutyag kag ipalab-ot ini.
Sa interview sang Bombo Radyo kay Escanillas, sa nagluntad nga engkwentro sa Brgy Tapi, Kabankalan City may pito nga NPA nga napatay kag isa diri ang alumna sang University of the Philippines-Cebu nga amo si Jhon Isidor Supelanas ukon mas kilala nga si Dee ukon Dalia nga nangin political instructor sa NPA.
Suno kay Escanillas, indi rason ang pagpamatok sa gobyerno ang pag-upod sa makawala nga grupo agud nga ipakigbato ang mga ginapatihan.
Suno diri, madamo nagcongratulate sa achievement nga nalab-ot nila kag wala man sila sang may nabaton nga complaint sa natabo.
Bisan ang pamilya ni Supelanas nangayo sang security sa kapulisan para sa haya ni Supelanas.
Mensahe sini sa iban nga pamatan-on nga luyag mag-upod sa makawala nga grupo nga sala ang ila ginapakigbato kag sila ang gina-into lamang.
Dugang pa sini, kun may yara man sang makit-an nga problema sa gobyerno indi insakto nga gamiton ang giyera para lang ipabutyag ang pagpamatok.
