Hugot nga ginamonitor sang Philippine Coast Guard ang Chinese Coast Guard vessel 5901 apisar sang malain nga sea conditions sa baybayon sang Zambales.
Suno sa PGC, nagapabilin nga on guard ang BRP Teresa Magbanua samtang nagapabilin ang presensya sang “monster ship” sang China sa baybayon sang Pilipinas.
Sa statement sang PCG, ang Chinese vessel ang ginpabilin sa considerable distance sang approximately 95 nautical miles sang baybayon sang Zambales.
Suno diri, aktibo nga nagapatigayon sang radio challenges ang PCG agud ma-address ang indi insakto nga presensya sang Chinese Coast Guard sa sulod sang Exclusive Economic Zone (EEZ) sang Pilipinas.
Suno sa PCG, ginamintinar sang Teresa Magbanua ang mga operasyon sini apisar sang 3-5 meters waves sa Zambales kag magapadayon sa pagchallenge sang Chinese sea craft agud maremind ang China sang intrusion sini.
