May mga lugar na nga ginpaidalom sa Tropical Cyclone Wind Signal No. 5 karun nga napabilin pa sang Super Typhoon NANDO ang kabaskugon samtang nagahilapit sa Babuyan Islands.
Ang sentro sang Bagyo ang ulihi nga nasiplatan sa 245 km sa nasidlangan sang Calayan, Cagayan.
Dala sini ang kabaskugon sang hangin nga nagadangat sa 205 km/h kag pagmadlos nga tubtob 250 km/h.
Ang Bagyo NANDO ang nagahulag sa west northwestward nga dereksyon sa kadasigon nga 20 km/h.
Lauman na ang Super Typhoon NANDO ang magaliso sa nakatungdan nga dereksyon padulong sa Babuyan Islands, nga mahimo maglabay lang ukon maglandfall mismo sa mga isla karun sa udto ukon sa hapon.
Mahimo nga mapabilin sang Bagyo NANDO ang kabaskugon ukon mas magkusog pagid sa amat-amat nga pagpalapit sa kadutaan.
Ginalantaw nga makagwa na sa Philippine Area of Responsibility ang Bagyo bwas sa aga.
Tropical Cyclone Wind Signals:
Signal No 5:
-naaminhan nga bahin sang Babuyan Islands (Babuyan Island, Didicas Island, Panuitan Island kag Calayan Island)
Signal No 4:
-Nabagatnan nga bahin sang Batanes
-Nabilin nga bahin sang Babuyan Islands, kag
-Northeastern portion sang mainland Cagayan
Signal No 3:
-Nabilin nga bahin sang Batanes
-Northern kag central portions sang mainland Cagayan
-Northern kag central portions sang Apayao, kag
-Northern kag central portions sang Ilocos Norte
Signal No 2:
-Nabilin nga bahin sang Cagayan
-Isabela
-Nabilin nga bahin sang Apayao
-Abra
-Kalinga
-Mountain Province
-Ifugao
-Naaminhan nga bahin sang Benguet
-Nabilin nga bahin sang Ilocos Norte
-Ilocos Sur, kag
-Naaminhan nga bahin sang La Union
Signal No 1:
-Quirino
-Nabilin nga bahin sang Nueva Vizcaya
-Nabilin nga bahin sang Benguet
-Nabilin nga bahin sang La Union
-Pangasinan
-Aurora
-Nueva Ecija
-Bulacan
-Tarlac
-Pampanga
-Zambales, kag
-Naaminhan nga bahin sang Quezon kalakip ang Polillo Islands
Lauman ang mabagyuhon nga panahon sa Batanes, Cagayan lakip ang Babuyan Islands, Isabela, Ilocos Norte, Ilocos Sur, Apayao, Abra, Kalinga, Mountain Province, kag Ifugao bangod sa Super Typhoon NANDO.
Madamol man ang pag-ulan nga may kaupod nga makusog nga huyop sang hangin sa Zambales, Tarlac, Nueva Ecija, Pampanga, Bulacan, Aurora, Quezon, nabilin nga bahin sang Ilocos Region, nabilin nga bahin sang Cordillera Administrative Region, kag nabilin nga bahin sang Cagayan Valley.
Southwest Monsoon ukon Hangin Habagat naman nga ginpabaskog sang Super Typhoon NANDO ang maga-apekto sa Metro Manila, MIMAROPA, Bataan, kag nabilin nga bahin sang CALABARZON.
Lapnagin man ang pag-ulan sa Bicol Region, Western Visayas, kag Zamboanga Peninsula bangod sa Habagat.
Class Suspension sa Negros Occidental:
Bangod sa maulanon nga panahon tuga sang ginpasanyog nga Habagat, pila ka mga banwa kag ciudad sa Negros Occidental ang nagdeklarar naman sang suspension of classes sa tanan nga lebel, sa parehas nga pampubliko kag pribado nga mga buluhuan.
As of 7:00 am, ang mga nagsuspender sang klase ang ginalakipan sang:
-Cauayan
-Moises Padilla
-Himamaylan City
-Hinigaran
-Hinoba-an
-Isabela
-Ilog
-EB Magalona
-Kabankalan City, kag
-Sagay City
