Nagpanugyan ang pinuno sang Traffic Enforcement Unit sa tanan nga motorista nga maghalong ilabi na sa karun nga madanlog ang dalan bangud sa pag-ulan-ulan agud malikawan ang insidente.
Sa interview sang Bombo Radyo Bacolod kay Police Major Ramel Sarona, kaangay lamang sang isa ka motorista nga nagtaliwan matapos nga maaksidente.
Suno kay Sarona, natabo ini sang June 19 sang kaagahon sa San Juan St, Barangay Sum-ag, ciudad sang Bacolod, kun sa diin papauli na kuntani ang estudyante apang pag-abot sa nasambit nga lugar, nakabunggo ini sa concrete railings rason nga nagtabog ini kag gintunaan sang kamatayon sini.
Kasunod sini, nagpanugyan si Sarona ilabi na ang nagamaneho sang motorsiklo nga maghalong sa tion nga magtig-ululan.
Suno diri, dapat nga masami magsuksok sang helmet sa tion nga magmaneho sang motorsiklo para sa safety.
Masami nga maghinay sa pagmaneho agud malikawan ang mga aksidente sa dalanon.
