Ginpahayag sang Philippine National Police nga wala sang indikasyon nga nagbiya sa Pilipinas si suspended Bamban Mayor Alice Guo.
Suno kay PNP Spokesperson Police Colonel Jean Fajardo, sa report nagikan sa Bureau of Immigration, wala sang indikasyon nga nakagwa sang pungsod si Guo kasubong man ang iya mga kaupdanan nga padayon pa nga ginapangita.
Ang arrest order nga gin-issue sang Senado ang ginfile man batok sa mga utod sang alkalde nga sanday Sheila Leal Guo, Wesley Leal Guo, Jian Zhong Guo, Seimen Guo kag sa ginaalegar iloy sini nga si Wen Yi Lin.
Nalakip man sa arrest order sanday former Technology and Livelihood Resource Center (TLRC) deputy director general Dennis Cunanan kag Nancy Gamo, ang nagpakilala nga account ni Guo.
Sang tinalikdan nga Lunes, nagmando ang Senado sang pagkahilway ni Gamo sa detention.
Una na nga ginpahayag sang Department of Justice nga nagapati ini nga ang controversial nga alkalde ang yari pa sa pungsod apang wala ang ahensya sang impormasyon natuhoy sa kun diin ini nagapanago.
Suno kay Fajardo, ang mga nagabulig kay Guo kag sa iya mga kaupdanan nga magpanago sa mga otoridad ang may pagaatubangon nga kaso.
