PNP-CIDG, nakabatun sang masobra 40 nga impormasyon sa mahimo ginapanaguan sang negosyante nga si Atong Ang

Nakabaton sang indi magnubo sa 40 ka impormasyon ang Philippine National Police – Criminal Investigation and Detection Group (CIDG) sa posible lokasyon sang negosyante nga si Charlie “Atong” Ang, nga may warrant of arrest may kaangtanan sa kaso sang missing sabungero.

Suno kay CIDG-National Capital Region chief Police Colonel John Guiagui, nakabaton sila sang tips gikan sa duha ka number nga ila ginhatag agud nga matawgan.

Suno diri, kalabanan diri ang nagatudlo sa mga game farms.

Naka-raid na ang CIDG sa 14 ka lokasyon sa nagkalain-lain nga bahin sang pungsod agud magserbe sang arrest warrant batuk kay Ang.

Dugang pa ni Guiagui, wala sang sightings kay Ang sa Cambodia gani nagapati sila nga sa Pilipinas ini gihapon.