Maga-deploy sang masobra 100,000 ka mga kapulisan ang Philippine National Police (PNP) agud nga mapabakod ang seguridad kag mapadamo ang police visibility sa mga port, terminal kag iban pa nga mga transportation hub sa bilog nga pungsod bangud madamo sang mga Pilipino ang magabiyahe papuli sa probinsya agud nga magsaulog sang paskwa kag bag-ong tuig.
Suno kay PNP chief Police Lieutenant General Jose Melencio Nartatez Jr., ginmanduan ang mga local units sang kapulisan nga magplano kag mag-adjust sang deployment sang ila mga personnel sa mga major transport hub agud masiguro ang kaluwasan kag mangin hilway ang mga pasahero sa ginalauman nga pagdamo sang mga byahero.
Masobra 100,000 ka pulis ang i-deploy sa bug-os nga pungsod, nga mas madamo kun ipaanggid sa deployment nakaligad nga tuig nga 60,000 ka mga kapulisan.
Ginpahanumdom man ni Nartatez sa publiko nga sundon ang mga regulasyon samtang nagabiyahe kag mag-kooperar sa mga otoridad agud malikawan ang mga insidente.
