Nakagwa na sa ospital ang pulis nga ginlampusan sang tubo sa Luzuriaga Street, Downtown area, Bacolod City.
Sa interview sang Bombo Radyo Bacolod kay Police Major Elmer Bonilla, head sang Traffic Enforcement Unit sang Bacolod City Police Office, nakagwa na sa ospital ang pulis nga may ranggo nga Police Chief Master Sergeant kag ini ang nag-angkon sang 11 ka tahi sa ulo.
Pahayag ni Bonilla nga ang pulis nga assigned sa Bacolod Police Station 1 ang magasick-leave anay kag nakadepende sa doktor kun ano kalawig.
Ang suspect nga ginkilala nga si Alyas Juan, ang ginpasakaan sang kaso nga attempted murder.
Ini ang nahibaluan nga may standing warrant man sa Physical Abuse, apang ini ang madanlog dakpon bangod pasaylo-saylo sang lugar.
Madumduman nga nakasibilyan pa ang pulis bangod padulong pa lamang sa duty, sang malabayan sini ang temprano pa nga naga-inom sang makahulubog nga ilimnon sa Bacolod Central Market, nga iya ginsaway.
Ang suspect ang indi man kaupod sang mga ginsaway, apang ini ang hinali nga nag-intra sa diskusyon.
Paghalin sang pulis, didto na ini ginsundan sang suspek kag ginlampusan sang tubo sa ulo.
Ini ang ginlagas naman sang pulis kag gintiro sa tiil.
Sa karun, siya ang padayun pa nga ginabulong sa ospital.
SAMTANG…..Nagpahanumdom ang city director sang Bacolod City Police Office sa mga kapulisan ang mangin alerto sa tanan nga tion.
Ini kasunod nga ginlampusan sang tubo ang isa ka police samtang nagatalikod sa Luzuriaga Street, Central Market area, Barangay 12, Bacolod City kahapon.
Sa interview sang Bombo Radyo Bacolod kay Police Col. Joeresty Coronica, ang police ang natalana nga magpacheck-up liwat bangud masakit pa ang ulo sini.
Suno kay Coronica ang biktima ang may ranggo nga Police Chief Master Sergeant, 48 anyos, ang padulong kuntani sa duty sa Bacolod Police Station 1 sang nalabayan ang mga nagainum aga pa sa central market ginasaway niya ini.
Nagsabat-sabat man ang suspek nga si alyas Juan gani ginhambalan ini sang police nga indi dapat mag-intra bangud indi man siya kaupod sa ginasaway kag naglakat man ini dayon.
Ginsunod sang suspek ang police kag ginhampas sang tubo sa ulo.
Ang suspek ang magapalagyo pa kuntani apang gintiro sang police sa tiil.
Natigayon nga nadakpan si Juan kag sa karun gindapatan sang pagbulong.
Nahibaluan naman nga may yara sang warrant of arrest batok kay Juan apang indi ini matimingan sang kapulisan bangod kun kaisa lang ini magpakita sa lugar.
Nagpanugyan si Coronica sa mga kapulisan nga magpabilin nga naka-alerto sa tanan nga tion.
