Para sa political analyst, posible nga bogus complaint lamang ang pagfile sang impeachment complaint batok kay President Ferdinand Marcos Jr. sa House of Representatives.
Madumduman nga una na nga may ginfile nga impeachment complaint sang Lunes nga ginsubmit ni Atty Andre De Jesus kay office of House Secretary General Cheloy Garafil kun sa diin ang complainant gin-endorsed ni Deputy Minority Leader kag Pusong Pinoy party-list Rep. Jernie Nisay.
Ang ikaduha nga impeachment complaint ginpasa sang Bagong Alyansang Makabayan apang wala ginbaton sang Office of the House Secretary General bangod wala si Garafil.
Samtang, ang ikatatlo naman nga complaint ang ginpasa nanday anay mamalidha Mike Defensor kag Jacinto Paras, former Ilocos Sur governor Chavit Singson, Atty Ferdinand Topacio, Atty Manuelito Luna kag Atty Harold Respicio, kag ang vlogger nga si Mary Catherine Binag apang wala sa gihapon ginbaton bangod wala si Garafil.
Sa interview sang Bombo Radyo kay Atty Jomax Ortiz, ini tanan kabahin sang political tactic sang isa ka grupo apang wala nahibaloan kun iya sang kampo sang Marcos ukon kampo sang Duterte.
Suno diri, si Nisay isa sa nagperma sa impeachment complaint batok kay Vice President Sara Duterte apang sa karun siya man ang nga nag-endorse kay De Jesus para sa impeachment naman batok kay Marcos.
Pa-athag ni Ortiz, santo sa konstitusyon isa lang ka complaint ang ma-initiate kag kun nagsaka na ini sa Committee on Justice, indi na pwede magbaton pa sang dugang nga impeachment complaint para sa isa ka official.
