Ginpasakaan sang kaso nga kriminal ang isa ka pre-school teacher matapos nga ginpakaon niya ang iya mga estudyante sang chewable laxatives.
Santo sa report, madamo sang nagreklamo nga ginikanan sa isa ka manunudlo nga si Yizel J, 23-anyos, bangud gina-alegar ginatagaan sini ang mga kabataan sang chewable nga laxative agud mapahapos ang iya nga ubra.
Apang sa una, indi pa ini mapatihan, napamatud-an ang alegasyon sang nagsungka mismo si Yizel sa otoridad kag gin-ako nga matuod ang mga akusasyon.
Nahibaluan nga may yara sang polisa ang daycare nga gilayon nga papulion ang mga bata kag indi anay magbalik skwela sa sulod sang 24 oras kun ini ang nagamasakit, gani gin-abusar sang manunudlo ang nasambit nga polisa agud makapahuway ini.
Suno sa isa ka ginikanan, indi lang makaisa ka bes nga natabo ang insidente bangud masami nga naga-suprer ang iya nga bata sang sakit sa tiyan sa wala niya mahibaluan nga rason.
Natukiban nga masami nga ginatagaan ni Yizel sang laxatives ang mga studyante nga kalabanan naga-edad duha ka tuig apang wala niya ginpaathag kun makapila na ka beses nga iya ini ginhimo.
Sa karon, nagapangatubang ang manunudlo sang kaso nga attempted aggravated battery kag endangering the life or health of a child.
