Ginsuhestiyon ni Vice President Sara Duterte nga dapat ilakip si President Ferdinand Marcos Jr. sa mga imbestigahan natuhoy sa anomaliya sa flood control projects.
Suno sa bise-presidente, maathag ang ebidensya nga makit-an sa anomaliya sa 2025 national budget.
Una na nga ginpahayag sang Presidente nga wala pa nadala sa natalana nga pasakaan sang kaso sang Independent Commission for Infrastructure (ICI) si former House Speaker Martin Romualdez.
Suno kay Duterte, posible nga wala nabasa ang 2025 budget kun sa diin may yara sang discrepancies sa National Expenditure Program (NEP) nga ginsumiter sang executive department kag ang General Appropriations Act (GAA) nga ginpasa sang Kongreso.
Ang nasambit nga pagdugang ang makabig nga “insertions” nga nagikan sa impluwensya sang nagapamuno sa Kamara.
Gani suno kay Duterte, dapat nga ilakip sa imbestigasyon ang Presidente bangud sa pagperma sini sang 2025 GAA.
