-- ADVERTISEMENT --
Ginkumpirmar mismo ni President Ferdinand “Bongbong” Marcos Jr. nga pirmahan sini ang Negros Island Region Act.
Matapos ang energization sang Cebu-Negros-Panay Backbone Project Stage 3, ginpahayag sang Presidente nga mabudlay ang sitwasyon sang Negros Oriental kag Negros Occidental nga kinahanglan pa magtabok sa iban nga mga isla agud makig-angot sa mga Regional Offices.
Aminado si Presidente Marcos nga ini ang madugay na nga problema kag nagapatigayon na lamang sa karun sang mga consultation, kag kasunod sini mangin isa na lamang ka rehiyon ang Negros Island gani mangin mahapos na ang pagpalab-ot sang Regional Offices sang mga serbisyo sa pumuluyo.
