Nagpatuman sang magkatuhay nga price adjustments ang mga oil firms subong nga adlaw kun sa diin ang presyo sang gasolina ang nagnubo samtang nagsaka naman ang presyo sang diesel kag kerosene.
Sa separado nga advisories, ginpahayag sang Chevron Philippines Inc. (Caltex), Seaoil Philippines Corp., kag Shell Pilipinas Corp. nga nagpatuman sila sang P0.10 nga pagnubo sa presyo sang gasolina samtang nagsaka sang P0.75 sa kada litro sang diesel kag P0.50 sa kada litro sang kerosene.
Nagpatuman man sang pareho nga price adjustment ang Cleanfuel kag Petro Gazz magluwas sa kerosene nga wala sa ila produkto.
Nagtake-effect ang price adjustment sa mga oil firms kaina alas 6:00 ang takna sang aga magluwas sa Cleanfuel nga nagpatuman sang price adjustment karun alas 4:01 karun sa hapon.
Sang tinalikdan nga semana, ang mga oil firms ang nagpatuman sang price hike nga P0.20 sa gasolina, diesel P0.50 kag P0.50 man sa kerosene.
