Presyo sang gasolina, nagsaka sang 30 sentimos kada litro; Diesel, nagsaka sang 20 sentimos

Liwat naman nga nagpatuman sang price hike sa presyo sang produktong petrolyo subong nga semana.

Sa magkatuhay nga mga advisories, ang Chevron Philippines Inc. (Caltex), Flying V, Petron Corp., Seaoil Philippines Corp. kag Shell Pilipinas Corp. ang nagpatuman sang price hike sa kada litro sang gasolina nga P0.30, diesel P0.20, kag sa kerosene P0.30.

Samtang ang Cleanfuel, Petro Gazz, PTT Philippines Corp., and Unioil Petroleum Philippines Inc. ang magapatuman sang pareho nga price adjustment magluwas sa kerosene nga wala sa ila produkto.

Nangin epektibo ang price adjustment sa tanan nga oil firms alas-6:00 kaina sang aga magluwas sa Cleanfuel nga magapatuman sang pagsaka sa presyo alas 4:01 karun sa hapon.