Presyo sang gasolina, nagsaka sang 60 sentimos kada litro; Diesel, nagpanaog sang 80 sentimos

Nagpatuman sang magkatuhay nga price adjustment sa produktong petrolyo subong nga semana.

Sa separado nga advisories, ginpahayag sang Chevron Philippines Inc. (Caltex), Flying V, Petron Corp., Seaoil Philippines Corp. kag Shell Pilipinas Corp. nga nagsaka sang P0.60 sa kada litro sang gasolina kag nagnubo sang P0.80 sa kada litro sang diesel kag P0.90 sa kada litro sang kerosene.

Ang Cleanfuel, Petro Gazz, PTT Philippines Corp., kag Unioil Petroleum Philippines Inc, ang magapatuman sang pareho nga price adjustments magluwas sa kerosene nga wala sa ila nga produkto.

Ginpatuman ang price adjustment alas 6:00 ang takna kaina sang aga magluwas sa Cleanfuel nga ginpatuman alas 8:01 subong man nga aga.