May yara sang pagtaas ang presyo sang isda kag utanon kahapon, Miyerkules Santo, Abril 16 samtang nagnubo naman ang presyo sang karne sang baboy sa tunga sang gamay nga demand sini bangud sa pagpuasa sang mga Filipino.
Halin sa P380 per kilo nga presyo sang baboy nangin P350 kada kilo na lamang.
Samtang sa isda naman nga masami nga ginahimo nga alternative sang mga Pinoy sa karne, nagsaka na sa P240 ang kada kilo sang bulaw halin sa P200.
Ang presyo sang bangrus ang yara sa P150 tubtob P240 kada kilo nakadepende sa kadakuon.
Sa mga utan, nagsaka sa P130 halin sa P80 ang kada kilo sang repolyo.
P20 naman ang ginsaka sa kada presyo sang latoy samtang yara na sa P200 ang kada kilo sang broccoli.
Nagpasalig ang Department of Agriculture (DA) nga hugot nila nga bantayan ang presyo sang isda kag iban pa nga balaklon.
Dugang pa sang ahensya nga ang pagsaka sang presyo sini nga Semana Santa ang temporaryo lamang.
