Nagpasalig si Negros Occidental Governor Eugenio Jose Lacson nga magabulig ang provincial government sa infrastructure improvement sa Negros Occidental Police Provincial Office nga ginbisitahan kahapon ni Philippine National Police (PNP) Chief Gen. Debold Sinas.
Suno kay Negros Occidental Governor Eugenio Jose “Bong” Lacson, gintsekyar ni Sinas ang mga pasilidad kag ginkalipay ang infrastructutre improvement sang Negros Occidental Police Provincial Office (NOCPPO).
Nagcommit naman ang Provincial Government sa pagpalapad sang building kag pagdugang sang mga kwarto nga ginkalipay man ni Sinas.
Pasalig ni Sinas nga magapadayun sa idalum sang pagpamuno sini ang Anti-Illegal Drug War, Anti Corruption Program, Anti Terrorism, pagtapos sa Local Conflict Communism kag Anti-Gambling.
Suno kay Governor Eugenio Jose Lacson, kabahin sa tinutuyo sa pagbisita sang PNP Chief amo ang pagpasaka sa morale sang mga kapulisan.
Kun ipaanggid ang record sang probinsya sang 2016, daku na ang pagnubo sa numero sang drug dependent sa Negros Occidental, ilabi na sa mga nagaduso sang iligal nga droga.
Pasalig ni Sinas nga nadaog na sang National Government ang drug war kag padayun pa ang mga ini nga mangin madinalag-on.
Samtang kasunod naman nga padulungan ni Sinas subong nga adlaw ang Panay.
Samtang kadungan sang curiosity, ginpamangkot man ni Lacson si Sinas kun ngaa Debold ang ginpapangalan sa iya sang iya ginikanan.
Game naman nga ginsabat ini sang PNP Chief nga kadungan sang pagkabun-ag sini, nangin sikat ang bold nga mga pelikula kag ang amay sini ang nakapinsar sang pangalan.
