Nagapreparar na sang probinsya sang Negros Occidental sa posibilidad nga magsaka ang kaso sang dengue sa tuig 2022.
Sa interview sang Bombo Radyo kay Provincial Health Officer Dr. Ernell Tumimbang, ginpahayag sini nga wala pa sa karun sang problema sa dengue bangud wala pa sang dako nga demand sang dugo sa mga blood bank para diri apang halalungan sa masunod nga tuig bangud nahibaluan nga nagasaka ang kaso sang nasambit nga balatian kada tatlo ka tuig.
Madumduman nga sang tuig 2019, nagsaka ang kaso sang dengue sa probinsya rason kun ngaa ginapreparahan sa karun ang mga preventive measures para sa 2022.
Suno kay Tumimbang, isa ini sa pagahimuon nga prayoridad sini nga tuig.
Nagpahanumdum man ini sa mga pumuluyo nga magpaninlo sang mga ugasaran kag palibot bangud dako ang mabulig sini agud indi magtinir ang mga lamok.
