BACOLOD CITY – Hugot nga ginapamatukan ni Provincial Agriculturist Engr. Igmedio Tabianan ang pag-import sang High Fructose Corn Syrup (HFCS).
Sa exclusive interview sang Bombo Radyo, ginpahayag ni Engr. Tabianan nga sa pihak nga makabenepisyo sa mga nagatanom sang mais ang produksyon sang HFCS apang maayo lamang ini kun sa lokal nga mga mangunguma ginakuha ang mais nga ginagamit.
Suno sa iya, kun imported ang HFCS, nagakahulugan ini nga ang mga mangunguma sa iban nga pungsod man ang nagabenepisyo sa paggamit sini.
Suno sa provincial agriculturist, indi na kinahanglan ang importasyon bangud mahimo man ini nga maprodyuser sang lokal nga mga mangunguma.
Dugang pa ni Engr. Tabianan, dapat man nga masiguro nga nagasantu sa polisa sang probinsiya ang HFCS kasubong na lamang sa Anti-Genetically Modified Organism ukon Anti-GMO Ordinance.
