Yara sa karon sa ikatatlo nga pwesto ang Western Visayas sa overall medal standing sang Palarong Pambansa 2024 sa ciudad sang Cebu.
Sa partial and official result as of July 11 8:30PM, ang Western Visayas ang may yara na sang siyam ka bulawan nga medalya, walo ka silver kag anom ka bronze ukon kabug-usan nga 23 medals.
Nagapanguna ang Region IV-A (CALABARZON) nga may yara sang 13 ka gold, lima ka silver kag apat ka bronze medals ukon total nga 22 medals.
Nagapangaduha ang National Capital Region nga may 10 gold, 7 silver kag 9 bronze medals ukon kabug-usan nga 26 medals.
Sunod naman sa Western Visayas, sa ikapaat nga pwesto ang Region XII (SOCCSKSARGEN) nga may 14 medals nga ginalakipan sang 5 gold, 3 silver kag 6 bronze medals.
Samtang nagapanglima naman ang Region VII (Central Visayas) nga may 13 medals nga ginalakipan sang 4 gold, 6 silver kag 3 bronze medals.
Nagasunod ang Region V (Bicol Region), Region III (Central Luzon), Region XI (Davao Region), Region VIII (Eastern Visayas) kag number 10 ang Region XIII (CARAGA Region).
