Tinutuyo sang pag-renovate sang Emergency Department sang Corazon Locsin Montelibano Memorial Regional Hospital nga masolusyunan ang pila ka mga problema nga ginapangatubang sang hospital.
Sa interview sang Bombo Radyo Bacolod kay Rey Melchor Bryan Baylon, Chief Administrative Officer sang CLMMRH, ginhugtan sang management ang pagpili sang contractors bangud dapat may yara ang mga ini sang professionals nga nasanto sa kinahanglanon sa renovation sang nasambit nga hospital.
Suno kay Baylon, bisan pwertahan lamang, ginpaminsaran man ang pag-ilis kag ginsiguro nga mabakod kag indi madasig maguba.
May yara man sang kaugalingon nga pharmacy ang nasambit departamento kag may yara man sang billing kag cashier.
Dugang pa sini nga ang renovations ang may tinutuyo nga mabag-o ang impressions sang tawo sa government hospital.
