Sa masami, tawo ang gina-aresto, kag halos wala kita sang mabatian nga may sapat nga gina-aresto.
Apang nakahibalo bala kamo nga may-ara na sang gin-aresto nga robot?
Kaangay lang sa natabo sa isa ka humanoid robot nga gin-aresto sang kapulisan sa Macau, China matapos sini ginkibot ang isa ka 70 anyos nga babayi sa isa ka residential complex sa Patane.
Natabo ang insidente isa ka gab-i samtang nagalantaw sang iya cellphone ang babayi sang hinali lang nagpundo ang robot sa iya likod.
Sang natalupangdan sini ang robot, nakibot ini, nag-tindog, nag-panic kag nagsinggitan.
Bangud sa kakulba, gindala ang senior citizen sa ospital nga gilayon man nga nakagwa.
Madasig nga naglapta sa social media ang video sang insidente, kun sa diin madamo ang naham-ot apang may-ara man sang nagkabalaka angot sa halog nga regulasyon sang mga robot sa pampubiko nga lugar.
Gilayon nga gindakop sang duha ka pulis ang robot kag ginpanugyanan ang operator sini nga maghalong sa paggamit sang amo nga teknolohiya sa pampubliko nga lugar.
Ang robot ang isa ka Unitree G1 model kun sa diin gina-testing ini sang isa ka local education center para sa promotional kag educational purpose.
Suno sa ila representante, nagpundo lang ang robot sa likod sang babayi agud maghulat nga ini ang makalabay santo sa naka-program.
