Pagatun-an pa sang Bacolod City Legal Office ang sabat ni Bacolod Traffic Authority Office Head Patrick Leonard Lacson sa notice to explain nga gindagdag sa iya angot sa ginpaggwa sini nga memo nga nagamando sa mga traffic enforcers nga dapat may yara sang lima ka apprehensions ang kada isa adlaw-adlaw nga kun indi matuman sila ang iga-suspend ukon kakson sa trabaho.
Suno kay Bacolod City Legal Officer Atty Romeo Carlos Ting Jr., mahimo nga makapagwa sang memo ang department head apang kun imbulbado na ang suspensyon ukon terminasyon sang empleyado, dapat nga ikonsulta ini sa city legal para mahibaluan ang legal nga pamaagi para diri.
Suno diri, kun ila na natun-an ang sabat sang BTAO head sila magarecommend sang desisyon kay Bacolod City Mayor Alfredo Albee Benitez.
Apang, gin-athag sini nga ang final nga desisyon ang magagikan sa alkalde.
