Preparado na ang mga kapulisan sa ciudad sang Sagay para sa ginalauman nga pagdamo sang mga deboto nga magabisita sa San Vicente Ferrer Parish Shrine sa Brgy. Vito, Sagay City, Negros Occidental sa pagselebrar sang Semana Santa.
Sa interview sang Bombo Radyo kay Police Community Relations (PCR) – Police Non-Commissioned Officer (PNCO) Gary Odelmo, ginalauman nga madamo sang magabisita sa simbahan sa Holy Thursday, Good Friday kag Holy Saturday.
Suno diri, nagakoordinar man sila sa simbahan para sa deployment sang police personnel.
Nagpasalig ini nga bisan madmao sang magabisita gikan sa nagkalin-lain nga lugar, yara ang kapulisan para maghatag sang security.
Nagpahanumdom si Odelmo nga likawan ang pagdala sang matalom nga gamit kag makahulubog nga ilimnon para sa seguridad sang tanan.
