Halos indi makapati ang 45 anyos nga lalaki sa United Kingdom matapos ginkawat ang iya salakyan nga nagtinir lamang sa iya sa 60 ka oras antes sini ginbakal kag ginpasalig nga ang vehicle ang “unstealable” ukon indi mahimo makawat.
Ginbakal ni John ang Range Rover 2024 SV Edition One sa balor nga $227,000 ukon P13,201,525.
Ang limited edition SUV ang ginrelease sa UK sa 550 ka units lamang.
Ini ang may high-tech interior, may bangko nga naga-uyog sa huni sang music nga ginapatukar sa sulod sang salakyan kag iban pa.
Suno kay John, ginhambalan pa sini ang dealership staff nga mag-install sang Ghost Immobiliser nga nagakinahanglan sang password antes magstart ang salakyan apang siya ang ginhambalan nga indi na kinahanglan bangod wala sang may makakawat sini.
Apang, 60 ka oras lang ang naglabay matapos sini nga ginbakal ang salakyan, ini ang nahimo nga nakawat sa sulod lang sang 15 minutos.
