To the rescue ang mga tawo sa isa ka salakyan nga nabunggo sa mga guardrail sa kilid sang dalan sa Zhejiang, China sa ginalauman nga may medical emergency ang driver apang sang ginbuksan ang salakyan, nakibot sila sang ila nakita sa sulod, nga isa ka ido.
Nakita sa CCTV footage nga mahinay nga nagadalagan ang puti nga salakyan sa kilid sang highway nga nabunggo sa guardrails kag nag-untat.
Ang mga nakakita sa insidente, nag-obserba anay kag gilayon nga naggiyo bangod wala sang driver nga naggwa sa salakyan.
Ila ginpatihan nga may medical emergency ang driver nga nagakinahanglan sang bulig.
Apang sang ginbuksan sang isa ka lalaki ang salakyan, nakibot ini sang makita nga wala sang may nagapungko nga driver apang may ido nga gilayon nga naggwa kag nagdalagan palayo.
Makaligad ang pila ka minutos nag-abot ang tag-iya sang salakyan kag suno diri nagadali ini kag nalipatan patyon ang makina.
Wala man sini mabutang sa ‘park’ ang kambiyo kag posible nga aksidente nga naggiyo sang ido ang electronic handbreak amo nga nagdalagan ang salakyan.
Sa pihak sang natabo maayo lamang nga wala sang may napilasan ukon naulamid sa natabo nga insidente.
