Nag-dangat sa P20,205,418 ang sales sa tanan nga produkto sa tagsa ka banwa kag syudad sa probinsya sang Negros Occidental sa subong nga 26th Panaad Festival.
Sa data nga nakuha sang Bombo Radyo Bacolod gikan sa kapitolyo probinsyal, ang LGU sales, Eco-Garden Show, Organic Market, Livestock ukon Dairy Fair, Concessionaries ukon Koisk, kag Food Park, ang may income nga P4, 244, 752 sa una nga adlaw sang festival, Abril 8; Nakaganar naman ini sang P3,099,151 sa ika-duha nga adlaw, Abril 9; P2,360,417.75 naman sa ika-tatlo nga adlaw, Abril 10; P2,177,516.50
Sa ika-apat nga adlaw, Abril 11; P2,786,436 naman sa ika-lima nga adlaw, Abril 12; P3,374,127.75 naman sa ika-anum nga adlaw, Abril 13; P2,163,018 naman sa ika-pito ukon sa pinaka-ulihi nga pag-selebrar sang kahiwatan, Abril 14.
Nagnubo naman sa subong nga tuig ang sales kun ikomparar sang nakaligad nga tuig nga may income sa masobra P24 milyones bangud 9 ka adlaw ginhiwat ang festival indi kaangay sa subong nga 7 lang ka adlaw.
Date of airing: April 18, 2019
