Indi kompormi bisan ang Presidente sang Samahan ng mga Taxi Drivers sa Bacolod sa pamatasan sang isa ka Taxi Driver nga navideohan nga nagakumod-kumod sa mga pasahero.
Madumduman nga ginreklamo ni Melita Nerio, ang nasambitan nga Taxi Driver bangod sang sila ang nagpadul-ong gikan sa SM City Bacolod padulong sa 888 China Town Square, sila ang nakabati sang indi maisip nga reklamo samtang yara sa byahe.
Ginareklamo sini nga traffic ang lugar kag pierde ini sa P100 nga plete, apisar pa nga masobra P80 lamang ang yara sa metrohan sini.
Sa interview sang Bombo Radyo Bacolod kay Ronald Allan Pelaez Salgado, sila sa Samahan ng mga Taxi Drivers sa Bacolod ang nagalabay sa orientation.
Ginatudlo sa mga ini nga dapat respetuhon kag seguruhon nga madul-ong nga safe sa destinasyon ang mga pasahero bangod diri gikan ang ila income.
Ginpatsekyar man nila sa ila nga screening committee kag natumod nga wala sa ila membership book ang taxi driver apisar nga ini ang madugay naman nga nagabyahe.
Gincontact naman nila ang operator sang ginadala sini nga taxi.
Suno diri, kun miyembro nila ang taxi driver sila ang makahatag sang penalty bangod indi gid pwede sa ila ang nasambitan nga aktwasyon.
Dugang pa sini nga ang mga pahanumdom sa orientation ang kaangay man sa seminar sang Land Transportation Franchising and Regulatory Board sa kun paano dapat trataron sang public utility vehicle ang tagsa ka pasahero.
Panugyan ni Salgado sa pasahero nga sila ang mahimo makapangayo sang resibo sang taxi meter.
Sa resibo nakabutang ang pangalan sang driver kasubong man ang taxi driver.
Kun may mga concerns angot sa mga kaangay nga aktwasyon gikan sa mga taxi drivers, sarang man nga magmensahe sa ila facebook page sa Samahan ng mga Taxi Drivers sa Bacolod.
Pahanumdom sini sa mga taxi drivers nga responsibilidad nila nga respetuhon kag idul-ong nga safe ang mga pasahero sa diin man nga bahin nga sakop sang ila area of operation.
