Masobra sa 600 ka mga pasahero ang nastranded sa Bredco Port matapos nga ginkansela ang byahe padulong sa Manila bangod sa Bagyo Nika.
Sa interview sang Bombo Radyo Bacolod kay Commander Jansen Benjamin, pinuno sang Coast Guard Station-Northern Negros Occidental, santo sa 5:00 AM kag 11:00 AM sea travel advisory may yara sang storm warning signal sa Manila bangod sa Typhoon Nika kag temporaryo nga ginkansela ang alas- 8:00 sang aga nga byahe.
Suno diri, 662 tanan ka mga pasahero ang nastranded kag apat ka rolling cargos ang wala nabyahe.
Nagapabilin nga yara sa sea port ang mga pasahero samtang padayon ang pagbantay sa weather update.
Pahayag sini, ang byahe padulong sa Manila lamang ang ginkansela apang ang byahe sa Iloilo, Cebu, kag diri sa Negros, ang wala sang kanselasyon.
