Ginsabat ni Senator Risa Hontiveros ang pahayag ni suspended Bamban, Tarlac Mayor Alice Guo nga ginaakusahan ang mga senador kag opisina sang gobyerno nga nagatutok lamang sa iya kaso.
Sang Huwebes, si Guo, nga nagapanago sa karun sa tunga sang arrest order sang Senado ang nagpost sang malawig nga statement sa Facebook kag ginpahayag nga nagakahangawa ini kun ngaa siya na lamang ang ginafocusan nanday Senators Sherwin Gatchalian kag Risa Hontiveros kasubong man sang mga opisina sang gobyerno.
Ginpahayag man sini nga ginagamit ini sang mga politiko agud mapasanyog ang ila political ambitions.
Suno kay Hontiveros, ang Senate hearings ang nagapadayon bangud sa padayon nga pagbinutig sang alkalde sa iya mga testimonies.
Suno diri, kada maglog-in ang alkalde sa Facebook, may bag-o na naman ini nga gina-imbento.
Gin-athag sini nga indi sila fixated kay Guo kundi allergic lamang sa mga butigon.
Duha na ka Senate hearings ang wala gintambungan sang alkalde rason kun ngaa gindagdagan ini sang arrest order.
