May patigayonon nga send off ceremony subong nga adlaw para sa mga athletes sang Bacolod City nga magapartisipar sa Palarong Pambansa 2026 sa Agusan del Sur sa Mayo 24 tubtob 31.
Suno kay Lila Vaflor Arro, sports coordinator sang Department of Education Division of Bacolod City, ginatinguhaan nga matapos panghatag ang allowance para sa athletes bangod indi luyag ni Mayor Greg Gasataya nga maglakat ang mga atleta nga wala nahatag ang ila allowance.
Suno diri, P17.3 million ang gintalana nga budget para sa athletes, coaches, assistant coaches, chaperones, kag trainers.
Sila makabaton sang P9,000 nga training allowance, P6,000 food allowance, kag P4,000 nga playing allowance kag may yara pa sila sang uniform.
Suno kay Arro may yara man sang transportation allowance para sa tanan nga delegates kag sila masakay sa barko apang ang masakay naman sa eroplano ang makabaton sa gihapon sang kaangay nga allowance.
