Mapatigayon sang send-off ceremony ang Police Regional Office 6 para sa mga kapulisan nga maga-augment sa pagbantay kag pagsiguro sang seguridad sa Bacolod Masskara Festival sa a Oktubre 10.
Nahibaluan nga patigayunon sa Oktubre 11 ang Grand Salubong samtang sa Oktubre 12 naman ang Opening Salvo sang nasambit nga festival.
Sa interview sang Bombo Radyo Bacolod kay Police Brigadier General Jack Wanky, Regional Director sang Police Regional Office 6, magaupod ini sa selebrasyon sang Masskara Festival sa ciudad sang Bacolod.
Suno kay Wanky, magapatigayon sila sang send-off sang mga kapulisan nga nagikan sa nagkalain-lain nga units agud nga mag-augment sa pagbantay kag pagsiguro sang seguridad kadungan sang selebrasyon sang Masskara Festival.
Sa send-off man ihatag sang PRO-6 regional director ang iya mga instructions kasubong man guidance sa mga kapulisan para sa ginhatag nga assignments.
