Padayun pa nga nagahuyang ang Severe Tropical Storm “NIKA” samtang ini ang nagahulag sa naaminhan-nakatungdang sang West Philippine Sea.
Ang sentro sang mata sang bagyo ang ulihi nga nasiplatan 185 km West sang Laoag City, Ilocos Norte.
Ini ang nagadala sang hangin nga nagadangat sa kabaskugon nga 95 km/h kag pagmadlos nga tubtob 115 km/h samtang nagahulag sa Northeastward nga dereksyon sa kadasigon nga 30 km/h.
Sa karun napaidalom gihapon sa Tropical Cyclone Wind Signal no. 1 ang Ilocos Norte, northern portion sang Ilocos Sur, northern portion sang Apayao, northern kag western portions sang Abra, western portion sang Babuyan Islands, kag northwestern portion sang mainland Cagayan.
Ang bagyo Nika ang ginalantaw nga padayun magahulag sa northwestward tubtob westward nga dereksyon samtang yara sa West Philippine Sea kag ini ang maggwa sa Philippine Area of Responsibility sa masunod nga 12 oras.
Lauman ang lapta-lapta nga mga pag-ulan ukon pag-ulan nga may kaupod nga pagpangilat kag pagpanaguob sa Ilocos Region, Cordillera Administrative Region, Cagayan, kag Batanes tuga sang Severe Tropical Storm “NIKA”.
Kasubong man ang maeksperyensyahan sa Bataan kag Zambales nga tuga naman sang Trough ukon ikog sang Bagyo Nika.
Sa pihak sang mga nagasunod nga bagyo, lauman ang makanay nga panahon sa nabilin nga bahin sang pungsod subong nga adlaw, magluwas lamang sa mga gulpyada kag makadali nga mga pag-ulan dala sang Localized Thunderstorms.
Alas-3:00 kaina sang kaagahon, nagsulod naman sa Philippine Area of Responsibility si Tropical Storm USAGI kag ini ang ginhatagan sang domestic name nga OFEL.
Ang Tropical Storm Ofel ang ulihi nga nasiplatan 1,125 km East sang Eastern Visayas.
Ini ang nagadala sang hangin nga may kabaskugon nga nagadangat sa 75 km/h kag pagmadlos nga tubtob 90 km/h.
Ang bagyo ang nagahulag sa West Northwestward nga dereksyon sa kadasigon nga 25 km/h.
Ang Tropical Storm Ofel ang ginalantaw nga magalandfall sa Northern ukon Central Luzon sa Huwebes sang kaagahon.
Ini ang ginalantaw nga magabaskog pa sa masunod nga tatlo ka adlaw kag magadangat sa Typhoon category.
Samtang padayun man nga ginamonitor ang Tropical Storm MAN-YI nga yara sa gwa sang PAR.
Ini ang ulihi nga nasiplatan 2,870 km East sang Southeastern Luzon kag nagadala sang hangin nga may kabaskugon nga nagadangat sa 85 km/h kag pagmadlos nga tubtob 105 km/h.
Ang bagyo ang nagahulag sa nakatungdan nga dereksyon sa kadasigon nga 10 km/h.
